ಎಂಟು ಲಕ್ಷಕ್ಕೂ ಹೆಚ್ಚು ಮೌಲ್ಯದ ನಕಲಿ ಅಮೇರಿಕನ್ ಕರೆನ್ಸಿ ವಶಕ್ಕೆ ಆರೋಪಿ ಬಂಧನ.
ಭಟ್ಕಳ :ಭಟ್ಕಳದಲ್ಲಿ ಅಮೇರಿಕನ್ ನಕಲಿ ಕರೆನ್ಸಿ ಸಾಗಾಟ ಮಾಡುತಿದ್ದ ವ್ಯಕ್ತಿಯನ್ನು ಬಂಧಿಸಿದ ಘಟನೆ ಶುಕ್ರವಾರ ನಡೆದಿದೆ.
ನಕಲಿ ಕರನ್ಸಿ ಗೋವಾ ದ ಮಡಗಾಂವ್‌ನಿಂದ ಭಟ್ಕಳಕ್ಕೆ ನಕಲಿ ಅಮೇರಿಕನ್ ಕರೆನ್ಸಿ ನೋಟುಗಳನ್ನು ಸಾಗಾಟ ಮಾಡುತ್ತಿದ್ದ ವೇಳೆ ಭಟ್ಕಳ ನಗರ ಪೊಲೀಸ್ ಠಾಣೆಯ ಸಿಪಿಐ ದಿವಾಕರ ಪಿ.ಎಂ ಅವರ ನೇತೃತ್ವದ ತಂಡವು ಕಾರ್ಯಾಚರಣೆ ನಡೆಸಿ ಭಟ್ಕಳ ಚಿನ್ನದಪಳ್ಳಿ ಮುಷ್ಬಾ ಸ್ಟ್ರೀಟ್ ಬಂಡೆ ಹೌಸ್ ನಿವಾಸಿ ರುಕ್ನುದ್ದೀನ್ ಸುಲ್ತಾನ್ ಬಾಷಾ (62), ಆರೋಪಿಯನ್ನು ಬಂಧಿಸಿದ್ದಾರೆ.
ರೈಲಿನ ಮೂಲಕ ಮಡಗಾಂವ್‌ನಿಂದ ಅಮೇರಿಕನ್ ಕರೆನ್ಸಿ ನೋಟುಗಳನ್ನು ತಂದಿದ್ದು ಸ್ಕೂಟರ್‌ನಲ್ಲಿಟ್ಟು ಸ್ಥಳೀಯನಾದ ಕಪ್ಪಾ ಮುಜೀಬ್‌ಗೆ ಒಪ್ಪಿಸಲು ಯತ್ನಿಸುತ್ತಿದ್ದಾಗ ಪೊಲೀಸರು ದಾಳಿ ನಡೆಸಿ ವಶಕ್ಕೆ ಪಡೆದಿದ್ದಾರೆ.ಅಂದಾಜು 8ಲಕ್ಷ ರೂ. ಮೌಲ್ಯದ100 ಡಾಲರ್ ಮುಖಬೆಲೆಯ 14 ನೋಟುಗಳು ಹಾಗೂ 50 ಡಾಲರ್ ಮುಖಬೆಲೆಯ 156 ನೋಟುಗಳನ್ನು ವಶಕ್ಕೆ ಪಡೆಯಲಾಗಿದೆ.ಘಟನೆ ಸಂಬಂಧ ಭಟ್ಕಳ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ವರದಿ: ಉಲ್ಲಾಸ್ ಶಾನಭಾಗ ಶಿರಾಲಿ.